കൂട്ട്

ഇരുട്ടു തീരും വരെ എനിക്ക് കൂട്ടിനൊരു
മിന്നാമിന്നി വന്നു ...
പിന്നെ പകല് വന്ന് ഉറഞ്ഞു തുള്ളി
അതിനേം ആട്ടി പായിച്ചു ...

ജീവന്‍റെ തുമ്പ്

ജീവന്‍റെ തുമ്പ് തേടി
ഒരു ഭീമന്‍ വളയത്തില്‍  കേറിപ്പോയി , ഇന്നലെ
തുരുമ്പിച്ച കൊട്ടക്കുള്ളില്ലും ,
തണുപ്പില്‍  ആടി യാടി , പേടിടെ സുഖത്തില്‍ .....
ഭൂമിടെ ഏറ്റോം തുഞ്ചത്ത് , തൊട്ടിട്ടു
പിന്നേം മനസില്ലാ മനസ്സോടെ താഴേക്ക് ...
ഹൃദയം....വായില്‍ വന്നൊന്നു,
 തുള്ളിച്ചാടി തിരിച്ചു പോയി ....
കാറ്റും, വിളക്കുകളും , ചുറ്റിലും
നടക്കുന്ന കാര്‍ണിവല്‍ വര്‍ണ്ണങ്ങളും ...
ജീവനും , ആകാശോം, ഞാനും ..
ഒന്നായ പോലെ .....
ജീവനെ ഒരു ചരടില്‍ കെട്ടി ...പറത്തി വിട്ടേനെ
ഞാന്‍ , തിരിച്ചു വരാത്ത വണ്ണം...