വേദനയിൽ

പൊട്ടിത്തകർന്ന് ചിതറി വീഴുന്നൊരു
ചില്ലു പാത്രം പോലെയാണ് ഞാൻ ...
നിൻറെ ഇളം പാദങ്ങൾക്ക് , മുറിവേല്പ്പികാതെ ....
മാറി നടന്നു കൊള്ളുക നീ ....
തകർന്നടിഞ്ഞ വേദനയിൽ , ഞാൻ
നിന്നെ വേദനിപ്പിക്കാൻ  ഇടയാവാതിരിക്കട്ടെ ....

കെ എസ് ആർ ടി സീ

ശ്വാസം മുട്ടിക്കുന്ന മനുഷ്യ ഗന്ധം ....
തോളിലും പുറത്തും അമരുന്ന
മാംസളമായ ഭാരം ...
പൊടിയും നനവും പറ്റി - വിരലിൽ
ഉരഞ്ഞു നില്ക്കുന്ന ചെരുപ്പുകൾ ....
മുന്നിലെ കമ്പിയിൽ അമര്ന്നു ഇറുകുന്ന
എന്റെ നെഞ്ജിന്കൂട് .....
തൊട്ടടുത്തു തൂങ്ങി നില്കുന്ന -
വിയർത്ത കക്ഷത്തിന്റെ നനവ്‌ ,
എൻറെ കുപ്പായത്തിൽ ....
തൊലി തുളച്ചു , കയറിയിറങ്ങുന്ന
നീണ്ട നോട്ടങ്ങൾ ...
കാതും തലയും മരവിപ്പിക്കുന്ന
ഹോണടി ഒച്ച ....
വിരലുകൾ അന്യരെ തൊടാതെ ,
ഒരു ഉറപ്പ് തേടുന്ന എന്റെ കൈകൾ ...
ഒരു ദുസ്വപ്നത്തിൽ നിന്ന്
ഉണരുന്നപോലെ , ഉണർന്നിരുന്നെങ്ങിൽ ...
ഒന്ന് രക്ഷപ്പെടാമായിരുന്നു ..ഈ ...
ബസ്‌ യാത്രയിൽ നിന്നും ..
എങ്ങോട്ടാ ??????  തൃശൂർക്ക് ....