Friday, May 16, 2014

സർക്കസ്സ്

                                                                     സർക്കസ്സ്




                                  "സർക്കസ്സ് " എന്ന വാക്കിൻറെ കൂടെ ഓടിയെത്തുന്ന ചിലരുണ്ട് : കോമാളികൾ , ആനകൾ , ഒട്ടകങ്ങൾ , മരണക്കിണർ - അതിൽ ബൈക്കൊടിക്കുന്ന അഭ്യാസികൾ ...കുട്ടിക്കാലത്ത് കണ്ട് , മറക്കാൻ മടിക്കുന്ന കുറെ ചിത്രങ്ങൾ ആയിരുന്നു  എന്റെ മനസ്സില്...പലവട്ടം പോകാനിരുന്നിട്ടും പറ്റാതെ , കാത്തുകാത്തു മരിയ്കാതെ വളർത്തിയ ഒരു കൊതി .....സർക്കസ്സ് കാണണം .കെട്ടൊർക്കൊക്കെ ഒരു കളിയാക്കൽ .."അയ്യേ , നാറുന്ന കുറെ മൃഗങ്ങൾ കാണും ....മുഷിഞ്ഞ കോമാളികളും  "- എന്നിലെ കുട്ടി അപ്പൊഴും പറഞ്ഞുകൊണ്ടേ ഇരുന്നു ..."സർക്കസ്സ് കാണണം ...."
                 കൂട്ടില്ലാതെ പോകുന്ന കുറേയിടങ്ങൾ ഉണ്ട് ...സിനിമ , കടൽത്തീരം , അമ്പലം .....പൊതുവെ എല്ലായിടത്തും .എന്നാലും ഇതിലൊരു വാശി , കൂട്ട് വേണം .തൊട്ടടുത്ത ടൌണിൽ വന്നിരുന്നു സർക്കസ്സ്...കൂട്ടും കിട്ടി . പക്ഷെ അച്ഛൻ വിലക്കി .."കുറേ അലപലാതി ആൾക്കാർ ആയിരിക്കും അവിടെ , നീ പോണ്ടാ ". സമ്മതം നോക്കി കാര്യങ്ങൾ ചെയ്തിരുന്ന വഴക്കങ്ങൾ പണ്ടേ നിർത്തിയിരുന്നെകിലും , പോയില്ല !
                      അപ്പോഴാണ് വീണ്ടും ഒരവസരം ..എല്ലാ വട്ടിനും കൂട്ടുനില്ക്കാൻ ഒരു കൂട്ടാളിയും ..ഒന്നും നോക്കാനില്ല , പുറപ്പെട്ടു ..ഒരുപാടു കാത്തിരുന്ന്  കൊതിച്ച്  അങ്ങനെ സർക്കസ്സ്കാണാൻ ...മനസ്സ് കുട്ടിയെപോലെ തുള്ളിച്ചാടുന്നു . സ്കൂളിൽ പഠിക്കുമ്പോൾ എന്തോ പോയതാ ...150 രൂപയുടെ ടിക്കറ്റ് . സ്റെയ്ജിനു തൊട്ടടുത്തും അല്ലാ , അകലെയും അല്ലാ , കൃത്യമായ ഒരു സ്ഥാനം കണ്ടുപിടിച്ചു .ട്രപ്പീസിനായി വിടര്ത്താതെ തൂക്കിയിട്ടിട്ടുള്ള വലകൾ , ഒരു വശത്ത് മരണക്കിണർ ...ഒരു മായജാലത്തിന്റെ കൂട്ടിൽ ഇരിക്കുനത് പോലെ .
                       പിന്നീടങ്ങോട്ട് വർണ്ണ കാഴ്ചകൾ ആയിരുന്നു ..കുള്ളന്മാരും ചിരിപപിക്കുന്നവരും ആയ കോമാളികൾ, മെയ്‌വഴക്കം ഉള്ള സുന്ദരിമാർ ...ചെറുപ്പം തുളുമ്പുന്ന കുറുകിയ കണ്ണുള്ള അഭ്യാസികൾ, അമേരിക്കയിൽ നിന്നും വന്ന അഭ്യാസികൾ, തത്തകൾ , നായ്കുട്ടികൾ , ഒട്ടകം , കുതിര , ആന പോലും മെയ്‌വഴക്കം കാട്ടുന്നു ....ഇടക്കിടക്ക് ചോളം ,ജൂസുകൾ , കടല , ഐസ്ക്രീം വില്ക്കുന്ന ആൾക്കാർ ...ഉടഞ്ഞ കുപ്പിചില്ലിൽ നൃത്തം വെയ്ക്കുന്ന സുന്ദരിക്കും , വാളുകൾ കൊണ്ടമ്മാനം ആടുന്ന പയ്യനും മുഖത്ത് ഒരേ ആത്മവിശ്വാസം . അമ്മയുടെ മടിയിൽ ഇരിക്കാൻ കൂട്ടാക്കാതെ ചുറ്റുമുള്ളവരെ ശല്യം ചെയ്യുന്ന കുസൃതി പിള്ളേർ ...ചുറ്റിലുള്ള ചിലതൊക്കെ കണ്ടെങ്കിലും എൻറെ കണ്ണും കരളും സർക്കസ്സിൽ ആയിരുന്നു . എത്ര കൈയ്യടിച്ച് ആമൊദിചാലും എനിക്ക് മതിവരില്ലായിരുന്നു . കണ്ണിൽ വർണങ്ങൾ ....അത്ഭുതം വാരി വിതറി ഓരോ അഭ്യാസിയും എൻറെ മനസ്സ് നിറച്ചു .ഇതു കഴിയുമെന്നു അറിഞ്ഞിട്ടും , ഓരോ അഭ്യാസിയും രംഗമോഴിയുമ്പോൾ , എൻറെ മനസ്സ് വാശി പിടിച്ചിരുന്നു ....ഇനി യടുത്തത് , ഇനി അടുത്തത് ...
                                 ഇടക്കെപ്പോഴോ ഞാനവരുടെ ജീവിതങ്ങളിലേക്ക് ഇറങ്ങിപ്പോയി ...ചായങ്ങൾ തേച്ചുമിനുക്കിയ ചിരിയും വർണ്ണ കുപ്പായങ്ങളും ...അതിനെല്ലാം പിറകിലായി കണ്ണീരിൻറെ കഥകൾ .നമ്മൾ ഒന്നും അറിയേണ്ടല്ലോ ...മുന്നിൽ തടിച്ചുകൂടിയ ജനത്തിന് ചിരിയും അഭ്യാസവുമേ കാണേണ്ടു ....ജീവൻ പണയപ്പെടുത്തി കാട്ടുന്ന ഓരോ വിദ്യയും കാണികളെ സന്തോഷിപ്പിക്കാൻ ആണ് ...ചായമിട്ട ചിരിക്കേ സർക്കസ്സിൽ വിലയുള്ളൂ . കണ്ണീരിനു ഉപ്പിൻറെ വിലപോലും കിട്ടില്ല . തിരശീലക്കു പിന്നിൽ ചിത എരിഞ്ഞാലും , തിരശീലക്കു മുന്നിൽ ...ദ ഷോ മസ്റ്റ്‌ ഗോ ഓണ്‍ ....

Wednesday, February 12, 2014

ഉള്ളിലീ തീ....

ഒരു നിമിഷതേക്ക് മാത്രമായിരിക്കാം ,
ഉള്ളിലീ തീ....
കനലെരിയ്ക്കാതെ തീ പുകയ്ക്കാൻ ...
എൻറെ നെഞ്ചിലെ നേരിപ്പോടിനറിയാം 

Saturday, December 7, 2013

നമ്മൾ നനഞ്ഞ മഴകൾ

ഒരു കുടക്കീഴിൽ നിറഞ്ഞു നിന്ന്
നമ്മൾ ഒരുമിച്ച് നനഞ്ഞ മഴകൾ ....
കുതിർന്നൊട്ടിയ ഉടുപ്പിനും തൊലിക്കുമടിയിൽ -
ഹൃദയം ചൂടോടെ മിടിച്ചിരുന്നു ..
നിൻറെ നെഞ്ചിൽ പടർന്നിറങ്ങി ,
എൻറെ നനഞ്ഞ മുടിയിഴകൾ വിറച്ചു
മൂക്കിൻ തുമ്പിൽ നിന്ന് , മഴതുള്ളി നാണിച്ചു ...
നിൻറെ കണ്‍ പീളികളെ നനച്ച് മഴ ...
നിൻറെ ചുണ്ടിലലിഞ്ഞു ധന്യയായി .
സാരിതലയും ചേർത്തു,  നിന്നെ -
ഞാൻ വട്ടംപിടിച്ച് വെച്ചിരുന്നു ...
നിൻറെ വിരലുകൾ പടർന്നു വന്നെൻറെ ,
വിരലുകളെ പൊതിഞ്ഞ് , കുടയെ താങ്ങി ...
മഴയുടെ തണുപ്പിലും നിൻറെ ശ്വാസം ,
എൻറെ ശ്വാസത്തെ ചൂടു പിടിപ്പിച്ചു
നാമീ ലോകത്തിൽ നിന്നടർന്നു
ഹൃദയ തുടിപ്പിൽ അലിഞ്ഞു ചേർന്നിരുന്നു ..
നാം നമ്മിൽ പെയ്തിറങ്ങുമ്പോൾ
ഭൂമിയിൽ എല്ലാ മഴയും , പെയ്തിറങ്ങിയിരുന്നു ....

Thursday, October 17, 2013

മനസ്സ് ചെന്ന് തൊടുന്നയിടങ്ങൾ


നാമറിയാതെ മനസ്സു ചെന്നു തൊടുന്ന
ചിലയിടങ്ങളുണ്ട് ...
നിൻറെ കണ്പീലികളിൽ എൻറെ ചുണ്ട്
തൊട്ടതങ്ങനെയാണ് ...
എൻറെ ശ്വാസം പേറിവന്ന കാറ്റ് നിൻറെ -
ശ്വാസത്തിൽ അലിഞ്ഞതും അങ്ങനെത്തന്നെ ..
മനസ്സിൻറെ നീളുന്ന തന്തുക്കൾ നിന്നെ
പുണർണതിനാലാകാം ,
എൻറെ നെഞ്ഞിടിപ്പുയർന്നതും ....
നിൻറെ ച്ചുണ്ടിൻറ്റെ ചലനം ഞാൻ -
കണ്ടിരുന്നപ്പോളാനെൻറെ , കാതിലൂടെ
ഒരു ഗാനം ഒഴുകിയിറങ്ങിയത് ...
നിൻറെ പാദം പതിഞ്ഞിടങ്ങളിൽ
പാദം ചേർത്ത് പുണ്യംതേടുന്നതും ,...
നിൻറെ വിരൽ തോട്ടവയെല്ലാം
എൻറെ പ്രിയതരമാക്കി സൂക്ഷിച്ചതും ,
അതിനാലാണ് ...
ഞാനറിയാതെ മനസ്സ് ചെന്നുതോടുന്ന
ഇടങ്ങളിലെല്ലാം നീയായിരുന്നു ...

തിരിഞ്ഞു നോക്കാം


ഒന്ന് നിൽക്കു ...കുറേ മറവികളെ തിരിച്ചു പിടിക്കാൻ
ചുമരരുകിലെ കുഴിയാനയെ തേടാൻ ..
മുത്തശ്ശി മാവിലെ കണ്ണിമാങ്ങ പറക്കാൻ .
ഊഞ്ഞാലിടാൻ ഒരു കൊമ്പു തേടാൻ ..
ചിരട്ടയിൽ മണ്ണപ്പം ചുട്ടെടുക്കാൻ ..
ചെത്തിപ്പൂവിന്റെ തേൻ നുണയാൻ
നെല്ലികായ് തിന്നു വെള്ളം കുടിക്കാൻ
പുളി ഭരണിയിൽ നിന്നൊരു പിടിവാരി ഓടാൻ ..
കുളക്കരയിൽ ഇരുന്നു കുട്ടി മീൻ എണ്ണാൻ
കൈക്കുമ്പിളിൽ തവളപൊട്ടിനെ കോരിയെടുക്കാൻ
എത്താത്ത ആംബലിനെ എത്തിപ്പിടികാൻ ...
പൊന്മാന്റെ കൂട് തേടി പോവാൻ
തോർത്തു വിരിച്ച് പരൽമീനെ പിടിക്കാൻ
കുടംപുളി മരത്തിന്റെ തളിരില ചവക്കാൻ
ഓന്തിന്റെ മാറും നിറങ്ങൾ എണ്ണാൻ
തൊട്ടാവാടിയെ തൊട്ടു തൊട്ടുറക്കാൻ
ചെമ്പിലയിലെ വെള്ളിമുത്ത് കാണാൻ
പാലൈസ് വിളി കാതോർതിരിക്കാൻ ..
ഒന്നു നിൽക്കു , നമ്മിലെ ചിരിയും ..
പുളിപ്പും മധുരവുമുപ്പും ...ഒരു വട്ടം കൂടി -
യോന്നയവിറക്കാൻ ....ഒന്ന് തിരിഞ്ഞു നോക്കാൻ.

Tuesday, October 8, 2013


ചിരിച്ചടർന്ന ഒരില എന്നോട് ചോദിച്ചു ...
തണുത്തൊരു കാറ്റിൻ മടിയിലേറി
എന്കൂടെ പോരുന്നോ...
നമുക്ക്‌ മണ്ണും മലയും താണ്ടി പോകാം ..
മണ്ണിൽ വീണ് മണ്ണായി മാറി -
ഒരു തളിരിലയ്ക്ക് ജന്മം നൽകാം

Tuesday, October 1, 2013

മീരയെന്ന മരം


നീയറിയാതെ തന്നെ നീയൊരു മരമായ് -
പടർന്നു പന്തലിച്ചു കഴിഞ്ഞിരിക്കുന്നു ..
നിൻറെ വേരുകൾ ഒരുപാടു പെരിലാഴ്ന്നിറങ്ങി -
നിൻറെ തണൽ ഒരുപാടു പൊള്ളൽ കൾക്ക് തേനായി
നിന്നിൽ കൂടുകൂട്ടി കഴിയുന്നു കുറേപ്പേർ ..
നിൻറെ ഇലകളിൽ പറ്റിചെരാൻ കുറേപ്പേർ ..
നീ കാറ്റി ലുലഞ്ഞാൽ അതൊരു താരാട്ടായി ...
നിൻറെ ചില്ലകൾ , പോത്തിയുറങ്ങാൻ ഒരു തൊട്ടിലും ..
നീയോര്ത്തില്ല നിന്നെക്കുറിച്ച് ഒന്നും തന്നെ -
നിന്നിലെ ആയിരം ജീവനായ് , നിൻറെയും ജീവൻ
ഒരു കൊടുംകാറ്റിൽ നീയുലഞ്ഞാൽ -
ഒരു ഇടിമിന്നൽ നിന്നെയെരിച്ചാൽ ,
വേരിറക്കി , സ്നേഹമൂട്ടി : നീ വളർത്തും ഞങ്ങളെല്ലാം ,
നീ എരിയാതുലയാതെ നിന്നെയീ ....
നെഞ്ചിൻ കൂട്ടിലമർത്തി , നിന്നിൽ പറ്റിച്ചേർന്നു
നിന്നെയൊരായിരം ജീവനിൽ പൊതിഞ്ഞ് നിർത്തും
ഒരിക്കലും തളരാതെ ഞങ്ങളിൽ വേരോടാനായി .....