എന്നോടൊന്നും തിരിച്ചു ചോദിക്കരുത്..

തിരിച്ചു തരാന്‍ ആവാത്ത ഒരുപാട് കാര്യങ്ങള്‍..

ഞാന്‍ ഒരാളില്‍ നിന്നും എടുത്തിട്ടുണ്ട്,

അതൊന്നും തിരിച്ചു ചോദിക്കരുത്..

കുറച്ചൊക്കെ ഒരാള്‍ അറിഞ്ഞാ ഞാന്‍ എടുത്തത്‌.

കുറച്ചൊക്കെ ഒരാള്‍ അറിയാതെയും..

ഇപ്പോള്‍ എല്ലാം ഞാന്‍ സ്വന്തം ആക്കി 

ഒരു കഷ്ണം ഹൃദയത്ടുണ്ടും

അത് ഞാന്‍ എന്റെ ഉള്ളില്‍ തുന്നി ചേര്‍ത്തു.

പകരം ഞാന്‍ കുറെയൊക്കെ തന്നില്ലേ?

കുറെ ചിന്തകള്‍...കുറെ പുഞ്ചിരികള്‍...

കുറെ കണ്ണീര്‍ തുള്ളികള്‍ തന്നില്ലേ?

ഒരു കടലുണ്ടാക്കാന്‍ ഉപ്പു തന്നില്ലേ?

പിന്നെ, ഞാന്‍ എഴുതാത്ത കുറെ വരികള്‍ തന്നില്ലേ?

ഒരാള്‍ക്ക് എഴുതാന്‍ സമ്മതം തന്നില്ലേ?

ഒളിച്ചു വെച്ച് കുറെ നോട്ടങ്ങള്‍ തന്നില്ലേ?

തൊട്ടു തൊട്ടു കുറെ സ്നേഹം തന്നില്ലേ?

രാത്രി ചേര്‍ത്തു പിടിച്ചു കുറെ ഉമ്മ തന്നില്ലേ?

ആര്‍ക്കും കൊടുക്കാത്ത കുറെ പേരുകള്‍ തന്നില്ലേ?

ഇതൊന്നും പോരാഞ്ഞു..

ആരോടും പറയാതേം, മിണ്ടാതേം,

എന്നേം.. എന്റെ സ്നേഹോം മുഴുവനും തന്നില്ലേ?

ഞാന്‍ അതൊന്നും തിരിച്ചു ചോദിക്കില്യ

എന്നോടും ഒന്നും തിരിച്ചു ചോദിക്കരുത്.