വെറുതേ ഇരിക്കാനനെനിക്കിഷ്ടം...
ചിരികാത്ത ചിലന്തി വലയില് നോക്കി
ചിലന്തിയെന്ന കലാകാരനെ,
പുകഴ്ത്തി പറയാതെ ...
ചുവരിലെ മോണാലിസ ചിത്രത്തിന്റെ-
ചിരി അളക്കാന് ആവാതെ
ഒരു തുള്ളി കണ്ണീര് ആവും ,
ആ സുന്ദരിക്ക് ഭംഗി എന്നരോടും പറയാതെ
മുറ്റത്തെ ചെത്തിയിലെ തേനിനു
മധുരം പോരെന്നു പരാതിപെട്ടും
എനിക്ക് ഒന്നിലും തൃപ്തി ഇല്ലെന്ന
സത്യം പറയാന് മടിച്ചും...
അങ്ങിനെ വെറുതെ ഇരിക്കാനനെനിക്കിഷ്ടം...
ഞാന് സൂക്ഷിച്ച പൂമ്പാറ്റ ചിറകിന്റെ
നിറം മങ്ങിപ്പോയോ?
വളപ്പൊട്ട് കൊണ്ട് ഉണ്ടാക്കിയ മാല-
ആര്ക്കാണ് സമ്മാനിക്കുക?
പണ്ടെങ്ങോ വലിച്ചെറിഞ്ഞു കളഞ്ഞ
ഖടികാര സൂചി തിരിച്ചു കിട്ടുമോ?
ചിന്തകള് ക്കിടയിലും ...
വെറുതെ ഇരിക്കാനനെനിക്കിഷ്ടം...
No comments:
Post a Comment